Qıṭʿa: [hezec: ‑ ‑ v / v ‑ ‑ v / v ‑ ‑ v / v – and ‑ ‑ v / v ‑ ‑ v / v ‑ ‑ ‑ / –]

Dil ṭıflını bend ėtdi ʿiqāl‑i zülfi
ʿIşqıyla // anı ṣandı meger lā‑yaʿqıl
Olmaya ki iqrār ėde qullıġını // çün
Maqbūl olur iqrār‑i ṣabī-yi ʿāqil

Uḫrā: [ḫafīf: v v – – (or: – v – –) / v – v – / v v – (or: – –)]

Gelmeyüb meclise // temāruż ėder
Derse meşġūl olur faqīh‑i fużūl
Maraż‑i // cehl ise qadīmīdür
Aña nāfiʿ degül şarāb‑i uṣūl

[ʿİlm‑i ḫilāf beyne l‑imāmeyn]

ʿİlm‑i // ḫilāf beyne l‑imāmeyn: Taʿrīf: ʿİlm‑i ḫilāf bir ʿilmdür ki edille‑i // icmālīyede ve edille‑i tafṣīlīyede olan istinbāṭāt‑i // muḫtelifenüñ vücūhından baḥs̱ ėder naqż u ibrām ḥays̱īyeti // ile. Vücūh‑i mezbūrenüñ baʿżısına İmām Ebū Ḥanīfe raḥimehu llāhu // ẕāhib olmışdur aṣḥābıyla. Ve baʿżısına İmām Şāfiʿī raḥimehu llāhu // ve baʿżısına İmām Aḥmed bin Ḥanbel raḥimehu llāhu ẕāhib olmışdur. Maʿlūm ola // ki furūʿ‑i dīnde ḫilāf‑i müctehidīn al‑iḫitilāfu bayna ummatī // raḥmatun müʾeddāsınca raḥmet‑i ʿaẓīmedür. Zīrā raḥmet müşākil‑i // zaḥmetdür. Ve iḫtilāf sebeb‑i taʿabdur naẓar u fikr ile. Ve taʿab‑i // mezbūr olmasa ḫāṭırlara cümūd ḥāṣıl olub ʿilm‑i şerīʿat // nā‑būd olurdı. Naql olınur ki ʿaṣr‑i ṣaḥābede ve ṣadr‑i // tābiʿīnde aṣlā müʾellif‑i [kitāb] yoġdı ʿadem‑i iḥtiyāca bināʾen. // Ve kütüb‑i mütedāvile hicretüñ yüz yigirmisinden ṣoñra ḥādis̱ // oldı [ki] cemīʿ‑i ṣaḥābe ve ḫıyār‑i tābiʿīn munqarıż olmışdı.